போர் நிறுத்த ஒப்பந்தம் மீறப்பட்டது – டிரம்ப் கடும் கண்டனம்

அமெரிக்க அதிபர் டொனால்ட் டிரம்ப், இஸ்ரேலும் ஈரானும் இடையே எட்டப்பட்ட போர் நிறுத்த ஒப்பந்தம் மீறப்பட்டதாகக் கூறி அதிருப்தி தெரிவித்துள்ளார்.

போர் நிறுத்த ஒப்பந்தம்

இஸ்ரேல் – ஈரான் இடையேயான 12 நாட்கள் நீண்ட பயங்கர மோதலுக்கு பின்னர், எதிர்பாராத விதமாக போர் நிறுத்தம் அறிவிக்கப்பட்டது, இதை டிரம்ப் உலக அரங்கிற்கு அதிகாரபூர்வமாக அறிவித்தார். இதனால் சர்வதேச அரசியல் வட்டங்களில் பெரும் பரபரப்பு ஏற்பட்டது.

ஆனால், போர் நிறுத்த அறிவிக்கப்பட்ட பிறகு இஸ்ரேலும் ஈரானும் மீண்டும் தாக்குதலில் ஈடுபட்டுள்ளதற்கான தகவல்கள் வெளியாகி உள்ளன. இதை உறுதிப்படுத்திய டிரம்ப், இந்த நடவடிக்கைகள் போர் நிறுத்த ஒப்பந்தத்துக்கு முற்றிலும் விரோதமானவை எனக் கடுமையாக விமர்சித்துள்ளார்.

டிரம்ப் எச்சரிக்கை:
“ஈரான் மீண்டும் தனது அணுஆயுத திட்டத்தை செயல்படுத்த முடியாது.
இஸ்ரேல் தொடர்ந்து தாக்குதல் நடத்தக் கூடாது.
இஸ்ரேலின் போர் விமானங்களை உடனடியாக வாபஸ் அழைக்க வேண்டும்.
தாக்குதல்களை தொடர்ந்தால், போர் நிறுத்த ஒப்பந்தம் முற்றிலும் நீங்கியதாகவே கருதப்படும்.”

“என்ன செய்கிறார்கள் என்பதே தெரியாமல், இரு நாடுகளும் நெடுநாட்களாக சண்டையிட்டு வருகின்றன,” எனவும் டிரம்ப் விமர்சனம் செய்தார்.

தற்போது, இந்த நிலைமையை கட்டுப்படுத்த உலக நாடுகளின் கவனமும், அமெரிக்க அதிபரின் எதிர்கால நடவடிக்கைகளும் முக்கியமாக இருக்கலாம் என கூறப்படுகிறது.

நன்றி

தமிழ் தகவல் வலைத்தளம்